Pezeşkian Naxçıvan hadisəsinin araşdırılacağını dedi

Xəbər verdiyimiz kimi, İran Prezidenti Məsud Pezeşkian Prezident İlham Əliyevə zəng edib.

“Qafqazinfo”nun məlumatına görə, Pezeşkian Naxçıvanın havadan atəşə tutulması ilə bağlı insidentin İranla əlaqəsi olmadığını deyərək, hadisənin araşdırılacağını vurğulayıb.

Prezident İlham Əliyev İranda baş vermiş son hadisələrdə çox sayda mülki şəxslərin həlak olması ilə bağlı bir daha başsağlığını çatdırıb.

Dövlət başçısı Naxçıvanda baş vermiş hadisənin araşdırılmasının vacibliyini vurğulayıb.

Mənbə: https://qafqazinfo.az/news/detail/pezeskian-naxcivan-hadisesinin-arasdirilacagini-dedi-501569