Aktual xəbərlər
“Yeni Konstitusiyada Müstəqillik Bəyannaməsinə istinad edilməməlidir”
“Ermənistanın yeni Konstitusiyasında Müstəqillik Bəyannaməsinə istinad edilməməlidir”.
“Qafqazinfo” “Sputnik Ermənistan”a istinadən xəbər verir ki, bunu Ermənistan Baş naziri Nikol Paşinyan jurnalistlərə açıqlamasında deyib.
Onun sözlərinə görə, Müstəqillik Bəyannaməsi münaqişə məntiqi üzərində qurulub: “Bu məntiqə riayət etmək həqiqətən müstəqil dövlət olmağa imkan vermir”.
Qeyd edək ki, Ermənistanın Müstəqillik Bəyannaməsində Azərbaycana qarşı ərazi iddiaları yer alır. Burada Qarabağın Ermənistana birləşdirilməsi ilə bağlı çağırışlar mövcuddur.
