Fuad Qəhrəmanlı DTX-yə çağırıldı – “Boz kardinal”ın işinə görə
Hazırda həbsdə olan AXCP sədri Əli Kərimlinin müavini Fuad Qəhrəmanlı da xüsusilə ağır cinayətlərdə ittiham olunan Ramiz Mehdiyevin cinayət işi ilə bağlı ifadə verməyə çağırılıb.
“Qafqazinfo” xəbər verir ki, F.Qəhrəmanlı bu barədə özü məlumat yayıb.
“Dövlət Təhlüksəziliyi Xidmətinin (DTX) İstintaq İdarəsindən zəng edib Ramiz Mehdiyevin işi ilə bağlı ifadə verməyə dəvət etdilər. Bildirdim ki, hazırda ölkədə yoxam və sualları telefonla cavablandırmağa hazıram”.
Qeyd edək ki, Prezident Adminstrasiyasının sabiq rəhbəri Ramiz Mehdiyev hakimiyyəti zorla ələ keçirməyə yönələn hərəkətlər, dövlətə xəyanət kimi cinayərlərdə təqsirləndirilir. “Boz kardinal” hazırda ev dustaqlığında saxlanılır.
Mənbə: https://qafqazinfo.az/news/detail/fuad-qehremanli-dtx-ye-cagirildi-boz-kardinalin-isine-gore-495159
