İlham Əliyev Konnor Teski ilə görüşdü
Azərbaycan Prezidenti İlham Əliyev 2024-cü ilin yanvarın 21-də Davosda “Brookfield Asset Management” şirkətinin prezidenti Konnor Teski ilə görüşüb.
Görüş zamanı “Brookfield Asset Management”-in real aktivlərə yönəlmiş qlobal investisiya fəaliyyəti nəzərə alınmaqla, Azərbaycan Respublikası Dövlət Neft Fondu (ARDNF) ilə əməkdaşlıq çərçivəsində ölkəmizdə investisiya baxımından maraq doğuran sahələr və mümkün layihələr barədə fikir mübadiləsi aparıldı.
Görüşin çərçivəsində ARDNF ilə “Brookfield Asset Management” arasında uzunmüddətli strateji əməkdaşlığa dair niyyət protokolu imzalandı.
Sənəd mövcud strateji münasibətlərin institusional əsasda daha da dərinləşdirilməsini, Fondun qlobal miqyasda nüfuzlu investisiya platformalarına çıxış imkanlarının genişləndirilməsini nəzərdə tutur. Bu, ARDNi-nin “Brookfield” tərəfindən idarə olunan fondlara və birgə investisiya layihələrinə 3-4 il müddətində ümumilikdə 1,4 milyard ABŞ dollarınınadək kapital qoyuluşu imkanlarının dəyərləndirilməsinin planlaşdırılması ilə əlaqədar.
Görüş çərçivəsində Azərbaycanda investisiya potensialı olan əsas sahələrə, o cümlədən enerji keçidi və saxlancı, bərpaolunan enerji, rəqəmsal infrastruktur və digər sahələr üzrə imkanların araşdırılmasına əlavə olaraq, bu sahələrdə işləmək üçün potensial iş birliklərinin yaradılması üçün müqavilənin imzalanması planlaşdırılıb.
