“Zirə” səfərdə “Sumqayıt”ı məğlub etdi
Misli Premyer Liqasının XIX turunda keçirilən “Sumqayıt” – “Zirə” qarşılaşması qol ilə yadda qalıb.
“Qafqazinfo” xəbər verir ki, Mehdi Hüseynzadə adına Sumqayıt şəhər stadionunda baş tutan görüş qonaq komandanın 3:2 hesablı qələbəsi ilə başa çatıb.
Matçın startından etibarən gərgin keçən mübarizədə hesabı 24-cü dəqiqədə “Zirə”nin hücumçusu Davit Volkov açıb. Cəmi iki dəqiqə sonra, 26-cı dəqiqədə Nikola Ninkoviç bərabərlik qolunu vursa da, 36-cı dəqiqədə Qismət Alıyev penaltidən qonaqları yenidən önə keçirib.
İkinci hissənin əvvəlində, 51-ci dəqiqədə Aleksandr Ramalinqom tarazlığı bərpa etməyi bacarıb. Lakin oyunun taleyini 88-ci dəqiqədə Giorgi Papunaşvili həll edərək “qartallar”a vacib 3 xalı qazandırıb.
Bu qələbə sayəsində xallarının sayını 32-yə çatdıran “Zirə” turnir cədvəlində 3-cü pilləyə yüksəlib. “Sumqayıt” isə 30 xalla 5-ci yerdə qərarlaşıb.
Mənbə: https://qafqazinfo.az/news/detail/zire-seferde-sumqayiti-meglub-etdi-498159
