Idman Xəbərləri 206
“Sabah” ötən mövsüm bu nəticəyə 30-cu turda çatmışdı, indi 19-da
“Sabah” klubu cari mövsümdə Misli Premyer Liqasında vurduğu qolların sayını 40-a çatdırıb.
“Qafqazinfo” xəbər verir ki, “bayquşlar” buna çempionatın 19-cu turunda “Araz-Naxçıvan” üzərində 4:1 hesablı qələbə qazandıqları oyunda nail olublar.
Görüşün 68-ci dəqiqəsində fərqlənən Xəyal Əliyev paytaxt təmsilçisinin mövsümdə vurduğu 40-cı qolun müəllifi olub.
Xatırladaq ki, “Sabah” ötən mövsüm Premyer Liqada ümumilikdə 50 qol vurmuşdu. Komanda çempionatı 48 xalla 5-ci pillədə başa vurmuş, 40 qola isə yalnız 30-cu turda çatmışdı.
Qeyd edək ki, “Sabah” hazırda 19 oyundan sonra 46 xalla turnir cədvəlinin vahid lideridir.
