Itkin düşmüş şəxsin paltarları tapılmışdır

Göyçay rayon sakini 31 yaşlı Ramil Abdullayev martın 3-ü evdən çıxaraq geri qayıtmayıb.

“Qafqazinfo” xəbər verir ki, axtarışlar zamanı itkin düşən şəxsə məxsus bəzi üst geyimləri rayon ərazisindən keçən Yuxarı Şirvan kanalının kənarında aşkar edilib.

Bu səbəbdən onun kanala düşməsi və ya yıxılması ehtimalı nəzərə alınaraq əraziyə polis və FHN əməkdaşları cəlb olunub.

Axtarışlar davam etdirilir.

Mənbə: https://qafqazinfo.az/news/detail/itkin-dusmus-sexsin-paltarlari-tapildi-501297