“Müstəqillik dövründə biz özümüzü onlardan təmizləyə bildik”

“Biz bütün dövrlər ərzində dilimizi qorumuşuq və bu gün danışdığımız Azərbaycan dili bizim ulu babalarımızın danışdığı Azərbaycan dilindən fərqlənmir. Bu, böyük nailiyyətdir. Mən hesab edirəm ki, xalqımızın böyüklüyüdür ki, biz başqa dillərin təsirinə düşməmişik”.

“Qafqazinfo” xəbər verir ki, bu fikri Prezident İlham Əliyev yanvarın 5-də yerli televiziya kanallarına müsahibəsində deyib.

“Düzdür, sovet vaxtında bizim leksikonumuza bəzi kəlmələr daxil olmuşdur. Mən beynəlxalq leksikondan gələn kəlmələri nəzərdə tutmuram. Amma prinsip etibarilə müstəqillik dövründə biz özümüzü onlardan təmizləyə bildik”, – deyə dövlət başçısı əlavə edib.

Mənbə: https://qafqazinfo.az/news/detail/musteqillik-dovrunde-biz-ozumuzu-onlardan-temizleye-bildik-494418