“Qarabağ”ın rəqibi də 3 qolla qalib gəldi
Bu gün Çempionlar Liqasının Liqa mərhələsinin 7-ci turuna yekun vurulub.
“Qafqazinfo” xəbər verir ki, 2-ci oyun günündə də 9 matç keçirilib.
Azərbaycan təmsilçisi “Qarabağ” Bakıda Almaniya klubu “Ayntraxt”ını qəbul edib və 3:2 hesablı qələbə qazanıb.
Türkiyə “Qalatasaray”ı İstanbulda “Atletiko”nu sınağa çəkib və 1:1 hesabı ilə yekunlaşdı. “Çelsi” “Pafos”a, “Bavariya” “Yunion”a, “Yuventus” “Benfika”ya qalib gəlib. “Qarabağ”ın son oyununda rəqibi “Liverpul” isə “Marsel”in qonağı olub və böyük hesabla qələbə qazanıb- 3:0.
Qeyd edək ki, reqlamentə əsasən, turnirdə 1-8-ci yerləri tutan klublar birbaşa 1/8 finala, 9-24-cü yerlərin sahibləri isə pley-offa yüksələcəklər.
Ötən gecə “Arsenal” 1/8 finala vəsiqəni rəsmiləşdirən ilk klub olmağı bacarıb. “Vilyarreal” və “Kayrat”ın isə ÇL-lə vidalaşacağı dəqiqləşib.
UEFA Çempionlar Liqası, Liqa mərhələsi, 7-ci tur:
21:45. “Qarabağ” (Azərbaycan) – “Ayntraxt” (Almaniya) – 3:2
21:45. “Qalatasaray” (Türkiyə) – “Atletiko” (İspaniya) – 1:1
00:00. “Atalanta” (İtaliya) – “Atletik” (İspaniya) – 2:3
00:00. “Çelsi” (İngiltərə) – “Pafos” (Kipr) – 1:0
00:00. “Bavariya” (Almaniya) – “Yunion” (Belçika) 2:0
00:00. “Yuventus” (İtaliya) – “Benfika” (Portuqaliya) – 2:0
00:00. “Nyukasel” (İngiltərə) – “PSV” (Niderland) – 3:0
00:00. “Marsel” (Fransa) – “Liverpul” (İngiltərə) – 0:3
00:00. “Slaviya Praqa” (Çexiya) – “Barselona” (İspaniya) – 2:4
Mənbə: https://qafqazinfo.az/news/detail/qarabagin-reqibi-de-3-qolla-qalib-geldi-496250
