Polkovnik Şirvanov vaxtından tez azadlığına çıxmaq istəyir

Müdafiə nazirliyində 143 milyonluq yeyinti ittihamı ilə məhkum edilmiş polkovnik Mahir Şirvanov vaxtından tez azadlığına çıxmaq istəyir.

“Qafqazinfo”nun məlumatına görə, məhkum 5 illik cəza müddətinin yarıdan çoxunu çəkib deyə cəzaçəkmə müəssisəsinin müsbət rəyini nəzərə alaraq məhkəməyə müraciət edib.

Yerli məhkəmə Mahir Şirvanovun ərizəsini düzgün hesab etməyərək geri qaytarıb. Polkovnikin qalan 1 il 2 ay həbs müddətinə qərar verilib.

Qeyd edək ki, 143 milyonluq mənimsəmə ilə bağlı çoxsaylı zabit məhkum edilib.

Mənbə: https://qafqazinfo.az/news/detail/polkovnik-sirvanov-vaxtindan-tez-azadliga-cixmaq-isteyir-494079